عید

عید اومده و زور زمهسونه گروته
زجر اومده تا سر کت لو جونه گروته
داری که قشنگیش مثال همه ویبی
زرد ایکنه وو ترکه ی آخونه گروته
کل ایزنه کلغه ی کلک مرده و سرما
اویار خمو اونه بو و نونه گروته
جی سرخی و سوزی و هوای فصل بهاری
یه اور سهی اومده دلمونه گروته
نیسی یه گلی تا که خش وابو دل بلبل
ناله ایزنه بلبل و دوتا شونه گروته
(صد پیز شرف داره و عیدی که رسیده)
غم اومده و زر بت حالونه گروته
ایخوم بگریوم و ذری خرسی و جا نی
زردی جگرم بونه ی بارونه گروته
تنا دل مو یا دل تو نی که و پنده
عغدی نخشی تا حد تهرونه گروته

عمار اکبری

نوشته شده در یکشنبه دهم اردیبهشت ۱۳۹۶ساعت 1:23 توسط Ammar akbari |